رجع يسأل عن أخباري بعد غيبة سنه وشهرين ،،
رجع شايل وجع صدره وقال أرجووك واسيني ،،
رجع كنه يحسبني سعيد بدنيتي او زين ،،
وهو ما يدري عن الدمعة لو تراخت تسريني ،،
"دمَع" وهل الوجع منه جمع في غيبته جرحين ،،
وأنا عيني بدت تدمع على حزنه وتبكيني ،،
يقول الدنيا خانتني وبعدك يا بحور سكين ،،
ولا أحدن يا بحور غيرك يقدرني ويراعيني ،،
حبيبي ضعت بغيابك حبيبي حيل انا مسكين ،،
وأنا جيتك بهالليله ((وتكفين)) لا تخليني ،،
" وأنا لا من نطق تكفين عطيته لو طلب هالعين "،،
وأجود بكل ما يملك خفوقي وتملك أيديني ،،
وقلت : أبشر ولا يهمك تدلل وش تبي يا زين ،،
تراني فدوه عيونك لو إنك جيت تشقيني ،،
حبيبي لو تبي ألقمره عطيتك فوقها ثنتين ،،
بعد لو تطلب النجمة أبنطق جيتك اضو يني ،،
بعد هذا ضحك .. بعثر همومه وسلم الرمشين ،،
وقال الله يا طيبك وأنا ظنيت ناسيني ،،
صراحة حيل تحرجني بطيبك يا أطيب الغاليين ،،
ولا أدري كيف أبوفي لك حبيبي وأنتي تعطيني ،،
((وحط أيده علي صدري وغمز وأرخالي الجفنين ))
"يا ويلي" لا أرمشت عينه وحط عينه بعيني ،،
"تعالوا عاد و دوروني بحزتها وشفني وين ؟؟!" ،،
ما بين العين "وأطراف **** " وصدر كاويني " ،،
بعد هذا تسامرنا وتواعدنا بعد يومين ،،
ووصيته علي قلبي وهو مثلي يوصيني ،،
تواعدنا علي الجمعة ولا جاني إلا الاثنين ،،
وطاف أسبوع والثاني وشوقي يشتعل فيني ..
تصدق عاد يالسامع ما جاني .. ألين ألحين !!
وقبل تسأل عن أسبابه بجاوب وأنت واسيني ؟!!
لأنه ((مااااااااات في حاااااادث )) وأنا مت بغيابه لين ..
عرفت إني (كذا) ببقي ولا أحدن يقوى يحييَني
كتابتة احد الصديقات ربي يفرج همها ويحفظها
